எபனேசர்புரம் CSI திருச்சபையானது கன்னியாகுமரி மாவட்டம், விளவங்கோடு தாலுகா, கீழ்குளம் கிராமம், கீழ்குளம் நகராட்சியின் செந்தரை பகுதியில் அமைந்துள்ளது. இப்பகுதி மக்கள் ஆண்டவரை வழிபட ஆர்வமாக இருந்ததால், தங்கள் இடத்திலிருந்து சுமார் 2 கி.மீ. தொலைவில் இருந்த பாரக்கன்விளை CSI திருச்சபையில் உறுப்பினர்களாக சேர்ந்து வழிபட்டு வந்தனர். தொலைவு அதிகமாக இருந்த காரணத்தால், செந்தரை, கூழச்சன்விளையில் திரு. வேதநாயகம் அவர்களின் வீட்டில் கூடி ஜெபித்து வந்தனர். இறைவனை துதிக்க ஆலயம் கட்ட வேண்டும் என்ற மக்களின் ஆர்வத்தை அறிந்த ஊழியர் திரு. S. சுந்தர் சாம் சிசில் அவர்கள், Rev. விக்டர் மற்றும் திரு. G. சார்லஸ் ஆகியோருடன் இணைந்து, பேராயரிடம் கூழச்சன்விளை என்ற பெயரில் ஆலயம் கட்ட அனுமதி பெற்றனர்.